بعد اعلان نتيجة تنسيق القبول بالجامعات للعام الدراتسي الجديد يبحث طلاب الثانوية العامة عن تفاصيل تقليل الاغتراب والتحويل لذا تنشر البوابة التعليمية كل ما يخص تقليل الاغتراب والتحويل بين الكليات بتنسيق الجامعات - الرابط والشروط والخطوات شرح بالصور
خطوات تقليل الإغتراب والتحويل
الناس تركز كويس فى الكلام
لازم تاخد بالك من كذا نقطه قبل ماقولك على خطوات تقليل الاغتراب :-
موقع تقليل الاغتراب والتحويل واحد بس تقليل الاغتراب اسمه " تحويل مناظر " والتحويل أسمه غير مناظر
لازم تاخد بالك ان لما الموقع يفتح متاح ليك تعمل حاجه واحده بس إما تحويل أو تقليل اغتراب
رابط تقليل الإغتراب والتحويل بين الكليات بتنسيق الجامعات
https://tansik.egypt.gov.eg/Application/Default.aspx
شرط التحويل الغير مناظر " التحويل "
1- ان تكون جايب مجموع الكلية اللى تحول لها انتظام او انتساب
2- ان تكون الكلية دى واقعة داخل نطاق " أ " فقط
3- مثال جالك تجارة المنصورة وانت عايز تحول حقوق المنصورة بما ان المنصورة نطاق " أ " بالنسبالك وكمان جايب مجموع حقوق يبقى التحويل هيقبل
4- مثال تانى جالك تجارة المنصورة وأنت عايز تحول حقوق عين شمس وانت نطاقك المنصورة وبرغم انك جايب حقوق عين شمس كدا التحويل مش هيقبل لان عين شمس خارج توزيعك الجغرافى
شرط التحويل المناظر " تقليل الاغتراب "
1- تحويل من كلية خارج نطاقك الجغرافى الى نفس الكلية داخل نطاقك الجغرافى ولا يشترط الحصول على مجموع الكلية
2- مثال جالك كلية تجارة عين شمس وعايز تحول تجارة المنصورة على الرغم ان مجموعك مش جايب تجارة المنصورة تقدر تحول عادى وكل مايكون الفرق بينك وبين تجارة المنصورة بسيط كل مايكون نسبه قبولك فى تقليل الاغتراب اكبر
3- في حالة ترشيح الطالب إلى كلية ما (انتظام) ويرغب في التحويل إلى كلية مناظرة لتقليل الاغتراب فيكون التحويل في هذه الحالة وفقاً لما يلي:
- إذا كان الطالب حاصل على مجموع درجات يفوق الحد الأدنى لمجموع درجات (الانتساب الموجه) الذي قبل بالكلية التي يرغب في التحويل إليها فيتم قيده حال الموافقة على تحويله وفق نظام (الانتظام).
- إذا كان الطالب حاصل على مجموع درجات يساوي أو أقل من الحد الأدنى لمجموع درجات (الانتساب الموجه) الذي قبل بالكلية التي يرغب في التحويل إليها فيتم قيده حال الموافقة على تحويله وفق نظام (الانتساب الموجه).
· يتم قبول تحويلات في حدود نسبة مئوية يحددها المجلس الأعلى للجامعات بنسبة 10% من الاماكن المقررة لكل كلية وطبقا للإمكانيات الاستيعابية للكليات
خطوات تقليل الإغتراب والتحويل بين الكليات بتنسيق الجامعات
1- لما موقع التحويل يفتح هتدخل عليه عادى زى خطوه الرغبات بالظبط هتكتب البيانات دى " صورة رقم " 1 "
2- هتضغط على قائمة جديدة " صورة رقم " 2 "
3- هتتاكد من البيانات بتاعتك وهتضغط على كلمة الخطوه التالية " صورة رقم 3 "
4- هتختار نوع التحويل اللى عايزه تقليل اغتراب " تحويل مناظر " التحويل من كلية لكلية تانية " تحويل غير مناظر " وبعدين هتلاقى قائمة كليات تقدر تضيف منها كلية او كتر وبعد كدا هتضغط التالى " صورة رقم 4 "
5- بعد كدا هتكتب البيانات اللى فى الصورة علشان تبعت الطلب لمكتب التنسيق " صورة رقم 5 "
6- بعد مانتيجة تقليل الاغتراب والتحويل تظهر هتلاقى لنفسك بطاقه ترشيح جديده زى اللى فى صورة 6 ويعتبر بطاقه الترشيح اللى قبل التحويل لاغية والبطاقة اللى بعد تقليل الاغتراب او التحويل هيا اللى هتقدم بيها فى الكلية " صورة رقم " 6 "
