النهارده هنتكلم عن حاجه مشهوره اوى , هنتكلم عن التهابات جدار المعده وقرحة المعدة وجرثومة المعده ف معلش البوست هيكون طويل شويه
الاول : يعنى ايه قرحة المعده
عباره تقرحات وفقدان جزء من من بطانة جدار المعده ودى بتكون بطانه مخاطيه سميكة بتحمى جدار المعده من الانزيمات الهاضمه وحمض HCL اللى بيتفرز من المعده
مع وجود التهابات فى جدار المعده
ثانيا : أسبابها
1- وجود جرثومة المعدة
2-المسكنات
33-احيانا التدخين والاكل الحاروالضغط النفسى والعصبى وكثرة الشاى والقهوه الخ..
44- ممكن تكون مصاحبة لامراض تانيه زى تليف الكبد والفشل الكلوى وامراض الجهاز التنفسى
هنتكلم شويه عن جرثومة المعده .. اسمها helicobacter pylori هيليكوباكتر بيلورى ودى لواحدها مسؤله عن 90% من قرحة المعده
بتنتقل عن طريق الاكل الملوث ,, قلة النظافة الشخصيه ,, عدم غسل الايد قبل الاكل
ملحوظه : فى كتير من الناس او معظمنا عنده جرثومة المعده بس مش معنى كده كل اللى عنده جرثومة المعده هتعمل قرحه
ازاى بنعرفها
عن طريق تحليل اسمه
h.pylori in stool
وده عباره عن تحليل براز
تحليل الدم مش دقيق
ثالثا : الاعراض
الم شديد فى المنطقه اعلى البطن (فم المعده ) ممكن يستمر من دقايق لساعات بيزيد بالاكل فى حالة قرحة المعده وبيقل بالاكل فى حالة قرحة الاثنى عشر المريض بيحسه على هيئة حموضة او حرقان انما ابدا مبيكنش ع هيئة مغص
رابعا : المضاعفات
نزيف فى المعده ودى اشهرهم .. تآكل كل طبقات جدار المعده فتعمل ثقب فى المعدة وده سئ جدا ... انسداد فى الامعاء
خامسا : الفحوصات والتحاليل
منظار داخلى .. صورة دم .. تحليل براز نعرف بيه وجود دم او لا سواء دم خفى او وجود دم فعلى مع البراز .. تحليل وجود جرثومة المعده :)
سادسا : العلاج
الاكل - يكون ع هيئة وجبات صغيره وتبعد عن الاكل الحار والمسبكات والشاى والقهوه وتبعد عن التدخين والابتعاد عن المسكنات مهم جدا
وكل ما هو حمض ومنتجات الالبان كلها بما فيها الزبادى واللبن الرايب ما عدا اللبن منزوع الدسم
الادويه
اما حاجات خفيفه زى زنتاك او رانى او مالوكس او جافيسكون او انتودين
او حاجات اقوى زى بيبزول او كونترولوك او زوركال او نيكسيام
على حسب الحاله
ولو فيه جرثومة المعده بناخد الادويه الخاصه بيها زى
هيليكيور او تريوكلار او بيبتك كير او العلاج الثلاثى
لو فيه قرحه او لا قدر الله حصل نزيف وقئ دموى لازم تدخل جراحى
Tags:
مكتبة البوابة