الاعرب ببساطة لتلاميذ سنه رابعة ابتدائي


ابني في سنة رابعة ومش عارف يعرب
أولا لازم تعليميه أنه بيتعامل مع جملة كاملة .
يحدد نوع الجملة (اسمية أو فعلية )
1- لو اسمية يبقى أول اسم هو المبتدأ ... والخبر هو ال بيتمم معنى الخبر أو بيخبر عنه وبنسأل عليه ب (ماله )
محمد (ماله) مجتهد تبقى دي الخبر
مثال ثاني:
محمد الطويل المتفوق المحبوب مجتهد
محمد (ماله) مجتهد يبقى مجتهد خبر .. طيب والكلام ال في النص ده ... لا دي صفات لمحمد... يعني إيه..... ملكش دعوة
والمبتدأ والخبر هما ركنا الجملة الاسمية وكلاهما مرفوع.
2- ولو الجملة فعلية يعني بدأت بفعل يبقى لازم ندور على الفاعل ال قام بالفعل
يلعب محمد
مين ال بيلعب ؟ محمد يبقى هو الفاعل
مثال ثاني : لم يلعب محمد
مين الفاعل ؟
محمد  إزاي وهو لم يقم بالفعل .
آآه... نسيت أعرفك إن الفاعل هو من أسند إليه الفعل مش لازم يكون قام به على وجه الثبوت.
وزيها مات الرجل
انحل الحبل
لازم ننبه إن الفاعل لازم يكون مرفوع.
الفعل (مضارع مرفوع أو
ماض مبني أو
أمر مبني )
3- آخر حاجة ممكن يقابلها هي الظرف المنصوب (زمان أو مكان ) وده اتكلمنا عنه مسبقا.
4- وطبعا مش هنتكلم عن حرف الجر ال بيجر الاسم ال بعده ونسميه اسم مجرور 😃
انتبه انتبه انتبه
الضمائر أسماء ... يعني لو جات أول الجملة تبقى مبتدأ
مثال هو مجتهد (مبتدأ وخبر )
لعبت عند البيت (ظرف مكان )
لعبت عند المساء (ظرف زمان )
وزيها قبل و بعد
ابنك في سنة رابعة يعنى المبتدأ والخبر والفاعل والفعل المضارع علامة الرفع فيهم الضمة
الفعل الماضي مبني على الفتح أوالسكون لو جه في نهايته تاء الفاعل
الأمر مبني على السكون.
والان مع تحميل: كتاب المتميز في الاعراب لتلاميذ سنة رابعة ابتدائي من هنا
أحدث أقدم