بالفيديو.. درس خصوصي جغرافيا على الحان المهرجانات.. النشطاء: المفروض الطلبه دي تقوم ترقص والا نجيب صافيناز


تداول نشطاء مواقع التواصل الاجتماعى "فيس بوك وتويتر" فيديو لمعلم يعطي درس خصوصي جغرافيا على الحان المهرجانات واعرب النشطاء استيائهم من هذة الطريقة قائلين :" هو المفروض الطلبه دي تقوم ترقص يعني والاايه والا نجيب صافيناز
ده درس جعرافيا وتاريخ من يومين في اسكندريه بطريقه تحفيظ الطلاب المناهج بالحان المهرجانات"
كما قال النشطاء " اين وزارة الترية والتعليم علما بان عدد الطلاب المتواجد بالقاعة كبير جدا"
 شاهد الفيديو :
كما تباينت ردود الطلاب وأولياء الامور و المهتمين بالشأن التعليمى 
وهذة بعض تعليقاتهم

بغض النظر عن ازاي المعلم يعمل كده ووزاره الخره فين وكل الهري ده... المدرس ده ذكي استغل اهتمام الشباب بالمهرجانات وحفظهم لاغاني ملهاش معني فعمل المنهج المتخلف اللي ملوش اي تلاتين لزمه ولا اصلا بيستفيد منه الطالب غير بالطريقه دي بتسهل ع الطالب ف الحفظ لان ببساطه شديده المناهج الحكوميه اصلا عقيمه جدا وغير صالحه ولا مواكبه للزمن ده ولا محترمه عقل الطالب من اصغرهم لاكبرهم فاللي بيعملوا ده عادي جدا وهي دي الطريقه اللي مواكبه الزمن ... وسيبكم بقه من نظام ازاي واحترام وجهل عادي جدا المتظومه كلها فاشله فشل ذريع وف الاخر الواحد بيتخرج وبيشتغل اي شغله بعد مطلع عينه ف التعليم.... فبلاش الاسطوانه المشروخه دي

ﺁﻻء أحمد
بما اني مدرسة احب اقولك ان اقسم بالله العيال ما بتحفظ حاجة عير بالطبل والصقف والاغاني اقسم بالله لو ما فضلوا يطبلوا ويصقفو اقسم بالله مش بيحفظوا فللاسف يعني دة عيب في جيل كامل حضرتك مش في المدرس بالعكس دة لاقي طريقة انه يحفظهم ويوصلهم المعلومة حتي لو الي حوليه شايفينها غلط بس دة والله عيب في جيل كامل

Yøyoo Ayøub
انا كنت حاضره المراجعه دي ومفيش لا رقص ولا اي حاجه من اللي مخكو بيروح ليها مستر حسام بيشرح وبيوصل المعلومه كويس بعد ما بيشرح بيشغل الاغاني عشان تثبت عشان اكتر جيلنا كده اصلا والمعروف عن دراسات تالته اعدادي انها تقيله ف الحفظ 😊 والاغاني حرمت بسبب الكلام الفاحش والمزيكا الصاخبه واظن ان مفيش كلام فاحش ف الاغاني اللي المستر بيعملها كلو من الدرس والطبل والمزيكا مش ملزومه احنا قلنا ف القاعه من غير مزيكا كمان بس لسه الفديو متنشرش وبعدين لو مش عاجب حضرتك النظام الرسول الكريم قال ( فلتقل خيرا او لتصمت ) 😄

Roaa Rafat
الطريقه مش غريبه طول عمرنا كنا بحفظ التاريخ بالأغاني دلوقتي بقت مهرجانات المهم العيل يحفظ ويجيب درجات في البلد ديه والمستر ده معملش حاجه غلط هو بيوصل المعلومه بالطريقه اللي العيال بيحبوها

Heba Hussein
هو رغم غرابة الطريقة الا ان الحاجة الغريبة فلا ان البنات قاعدة مركزة وبتسمع معاه الدرس
فى الاخر الاهل عايزين ايه غير ان الولد يحفظ ويعدى الامتحان اما موضوع فين التربيه ......لما يبقى فى تعليم وتربيه فى مدارس وزارة التربية والتعليم نبقى نحاسب المدرسين
Motasem Salah
القسم بالله ان كل الي معلقين دول مش بيفهمو المستر مسيطر جامد مش عشان ان احنا بنخاف منو لا عشان احنا بنحبو وهو أخونا الكبير وبنحترمه عشان هو عايز يعمل منانا حاجه الي ميعرفش مستر العالمي حسام هارون ياريت ميفتحش بقو عشان مهما عملتو هنفضل وراه عشان هو اخونا الكبير وعمره ما هيضرنا بس انت محروقين منو بس مش اكتر انا طلب عندو في تالته اعدادي وانا ناقص درجه واحد في لامتحان هاتو 10طلاب والمستر يجيب 5بس اقسم بالله هنقطعكم

والي متغاز منانا يعمل زينا العالمي حسام هارون واحد بس
Hoba M Fouad
والله شيفاه ابتكار وطريقه حلوة للحفظ بعض النظر عن المهرجانات بس اللى شايفاه ان الطلبه قاعده ومركزة وبتردد ومش بتهيص ولا بترقص بالعكس ملتزمين جدا ...مجهود مشكور عليه الاستاذ وهو احنا عاوزين ايه غير الفهم والدرجه .......

Ammar Yasser
مشكلتنا بننقض و خلاص ..علي فكرة انا فكلية تريية و ان شاء للله للرحمن شهرين تلاتة و هتخرج ...مش مؤيد الأسلوب دة خالص ورافضو تماما ...بس ما دام في طلبة بتحبو و بتتجاوب معاه و ليع بسم الله ماشاء الله شعبية . خلاص ...و بعدين لو تلاحظ...دة اسمو درس خصوصي ....يعني كل الطلبة اللي قاعدة دي قاعدة بمزاجها ...خو مارحش لحد و ضربو علي ايدو عشان ياخد معاه درس .....الموضوع عرض و طلب ...و مدام الطلبة عاجبها كدا خلاص ....اصل هو لو مكروه مش هيلقي القبول دة كلو

Lola Ahmed Elshnawy
يعني ايه الكلام ده اصلا وازاي يعني مفيش طريقة للحفظ الا بالمهرجانات والهلس
علي أساس ان احنا متعلمناش قبل كدة ومننا اللي طلع محاسب ودكتور ومهندس
ومكنش فيه علي أيامنا الهجص ده وعلي فكرة المدرس الشاطر اللي يبسط المعلومة ويعرف ازاي يوصلها مش اللي بيعمله ده قاعة افراح وغنا

Walaa Omar Ahmed
ده اسمه تدنى بالمستوى التعليمى وانحطاط من المدرس ..المدرس اللى المفروص يكون قدوة يتقلب ارجوز ..وياترى المعلومه هتتاخد ولا نظام حافظ مش فاهم طب لو الطالب نسي اللحن المتدنى والبيئة ده يلترى هيفتكر الاجابة ..بجد الف خسارة كل القيم والمعانى اندثرت ..مبقاش فاضل غير الهلس والانحطاط ..فعلا المفروض صفينار هى اللى تدى الدرس ده

Walaa Hassn
مش فاهمة انتو ايه مشكلتكوا مايغنى و لا يرقص حتى .. مش المهم يحفظوا مهى بلد زفت ... تحفظ الطلبة و ينجحوا و يدخلوا كليات و يطلعوا ميلقوش شغل .. ولا هى الوزارة عايزة غير كدة .. انا موافقة جدا على طريقته .. ولا عايزنهم يجلهم اكتئاب بدرى بدرى .. هو هيجلهم طبيعى بعد ما يتخرجوا .. ✋✋

نجلاء على
ليه يا جماعة كان فيه مدرس دراسات اجتماعيه فمعهد الجزار تقريباً من سنة ٩٥ اسمه ممدوح عبد الغني الله اعلم حى ربنا يمسيه بالخير ميت الله يرحمه حفظنا المنهج كله تاريخ وجغرافيا بالاغانى برضوا وكان فيه وزارة وتعليم برضوا المهم ناخد شهادة نتعلم مالكم الدنيا ولعة ليه ع المستر ربنا يبارك فيه

عمر عبد الرحمن
انا الي مصور ي جماعه ..
مستر حسام هارون بيفهم الطلبهه كويس جدا ودا الي بيجي مع الطلبه ..
والطلبه بتطلع فاهمه وحافظه ..
وناس كتير جدا بتعارضوو ... واولياء الامور حضرو المحاضره واعترفو ان مستر حساام بيفهم الطلبه ومستر كويس مش زي م كل الناس بتقول 💜

Noha Shandy
معلش يعني انا شايفة ان الموضوع اعمق من فكره ان المنهج عقيم، عقم المناهج لا خلاف و لا جدال عليه. بس خلينا متفقين ان الموسيقي و اﻷغاني مهما كنا بنحبها او بنستمتع بسماعها لا يمكن ابدا ابدا انها تكون اسلوب للدراسة لأن فالنهاية الغنا و الموسيقا هي لهو و لعب و الدراسة و العلم عكس كده تماما، الدراسة لبناء اﻷمه و تطويرها و النفع و اﻹيجاب بشكل عام، فلو اخدنا الموسيقي و الغنا علي انهم اسلوب متبع للدراسة و العلم يبقي كده ضمانا ان كل حاجة في حياتنا هتبقي لهو و لعب، الشغل هيبقي لهو و لعب، تربية أبناءنا هتبقي لهو و لعب مستقبل اﻷمه هيبقي كله لهو و لعب و النتيجة هتكون دمار شامل، كفايه تدمير، هندمر نفسنا ايه اكتر من كده، لازم الناس تنادي و بعلو حسها غيروا المنااااااهج العقيييمة ارجوكم، موتوا عقول أجيال كفايه كده، احنا عقولنا تقدر تنتج و تبدع و تتفاعل و تواكب التقدم احنا مش حيوانات في سيرك . ارحمووووونا. شكرا
تم تعديله · ‏8‏ · أعجبني · تفاعل · رد · إبلاغ · ‏اليوم‏ في ‏05:18 ص‏
Nihan Kamal
وواحد حمار زى دى المفروض يكون قدوه للطلبه بتوعه ليعمل كده ويلم ملايين وناس تانيه منتهى الأدب والاحترام مش لاقيه شغل وف البيوت قاعدين وبيكون معاهم كمان ماجستير ودوكتوراه

Ahmed Ibraheem
المهم إن الضفادع مندمجين معاه وتحس كده إنهم مستقنيصين ومتقبلين الموضوع بنفس راضية وعادى خالص مفيش أى مشكلة نهائى ..
على فكرة الوله بتاع هيروشيما مات ندمان لأنه حدفها غلط .. هو كان يقصد تنزل هنا بس الهوا طيرها بعيد شويه

Tot Da Ana
هو فين وقار المعلم مربي الاجيال ايه الهبل ده والسفه ده والاسفاف ده محدش يقولي بيدخل المعلومه بطريقه الشباب بلا زفت هي الموضه الزفت اللي هتمشينا ولا نحن من نصنع الاجيال والمجد والحضارة والتاريخ .
اين وزارة التربية والتعليم من هذا السفه ولو ده من ضمن خططها يبقي عمموه ف المدارس ويدخل الواد ع المدرس يقوله صباح الخير يلا والعب يالا

محمد الديزل
انا يناس طالب عند حسام انا مش هجمله انا من ابو سلمان انتو عارفين هيا عمله ازاى بس والله والله والله انا من ساعت خت معاه وانا بجيب الدرجه النهائيه فى الامتحنات كل سنه وده استاذ محترم وديه فكره حلوه أنه عرف ازاى يخش عقل الطالب ازاى انا واحد من أناس اكتر حاجه بسمعها المهرجانات وعلى العموم انا وكل الطلاب وحسام بنقولو الله يسمحكم على الانتم بتقلوه

Said Sakr
التعليم انتهى وأصبحت اللغة السائدة هى لغة الفن الهابط ورحم الله ايام التعليم التى اخرجت أكثر علماء مصر وادبائها مثل د.مصطفى مشرفة ود.طه حسين وغيرهم الكثير وإذا الاستاذ الذى يلقى المادة العلمية قدتحول إلى ارجوز يتنطط مثل لاعب السيرك وهو يعتقد أنه يعلم وهو للأسف يهدم التعليم وينشر الإسفاف

Mohamed Mokhtar
حسبى الله ونعم الوكيل
حينما يتحول المعلم لراقصة وطبال فقل على التعليم فى مصر السلام
هؤلاء من يدمرون الأجيال
ثم نبحث عن نهضه فى التعليم
لابد ان يتم القضاء على هؤلاء أولا حتى لا نفقد ماتبقى من عقول أبنائنا
والله العظيم حزين على حالك يامصر
أحدث أقدم