وترجع الناس تقول ان المدرسين واكلنها والعة من الدروس الخصوصية

وترجع الناس تقول ان المدرسين واكلنها والعة من الدروس الخصوصية . مبصوش ليه ان فى دكاترة الخمس دقائق من وقتهم فى الكشف من 100 جنيه الى 300 جنيه . يعنى اللى ممكن نجيبه فى شهر او شهرين شغل دروس خصوصية الدكتور ممكن يجيبه فى اقل من خمس او ست ساعات شغل فى العيادة الخاصة بتاعته . مع فارق اننا بنخرج نلف فى الشمس او البرد فى الشتاء وتتطلع عنينا فى معامله الطلبة واولياء الامور والذى منه اما الدكتور قاعد فى مكتبه جوه عيادته تحت التكييف والناس بتطلع عنيها لحد ما تحجز ميعاد بس عنده . طيب ما يحسنوا المستشفيات الحكوميه ويطوروا كويس من تدريب الاطباء الجدد ويقللوا من ظاهرة العيادات الخاصة وبعد كده يبقوا يكلمونا . احنا ملجئناش للدروس من فراغ ، ما هو يا ندى دروس بالحلال يا اما نسرق بقى ومش معنى كده ان المدرس مش بيدى للطالب حقه جوه الفصل ، بس شوف الفصل فيه كام طالب وقت الحصة اد ايه والفروق الفردية فى الفصل الواحد ده غير المناهج اللى ذى الزفت فكدا كدا ولى الامر هيلجأ للدرس المخصوص والمدرس بيقبل بالدرس علشان يعرف يعيش ويصرف على بيته وعياله . حقا اشعر بالقرف
شكرا لك ولمرورك