طريقة تحضير درس جرامر او درس كامل للعرض ك Demo

السلام عليكم
أعضاء الجروب الكرام :
أود المساعده فى طريقة تحضير درس جرامر او درس كامل للعرض ك Demo أمام لجنه تقييم بمدرسه International قسم American اذا سمحتوا.

اسف ولكن شغلى وتخصصى كله كورسز وشغل المدارس بالنسبه لى جديد فأرجو ان كان فيه اخ او اخت مشكورين يساعدونى فى تحضير درس Demo Lesson
كيفية تنظيم السبوره
هل يجب التحضير بدفتر تحضير ام فقط عرض الدرس على السبوره فى ال Demo
العناصر المفروض كتابتها
وياريت ان حد مر ب Demo مدرسه لغات او قسم American يقول خبرته
شكرا جزيلا وبإنتظار الرد ان شاء الله
السلام عليكم
-
 اهم حاجه تنظيم board الى تلاته اقسام ويبقى جزء للكلمات الجديده وجزء للجرامر وجزء للتطبيق عليه او اى ملاحظات تحب تضيفها واهم حاجه السيطره داخل classوعينك على البعيد قبل القريب ومصطلحاتك تكون سهله وممكن يحاولوا يعملوا شغب قدامك ويستفذوك ويشوفك حتتصرف ازاى وطبعا قبل ما تدخل فى الشرح بيبقى فى intro للدرس تكون تشويقيه تجذب بيها الطالب على حسب سنه وطبعا حتحضر عادى فى اسكتش اوعى تبص فيه اثناء وانت واقف وتكون جاهز لاى سؤال وتراجع الاكسنت لكل كلمه كويس وربنا معاك ده اللى انا مريت بيه فى مدارس اللغات وطبعا مفيش ولا حرف عربى يتقال
-
اناشغاله في مدرسه انترناشونال بس مش شايفه ان الشرح في عادي وانترناشونال المهم انك تكون واثق من نفسك جدااااا ومتحسسهمش ان قلقان من اي حاجه خطك واضح عالسبوره بتنطق كويس اوي عندك اكتر من طريقه للشرح او لتوصيل المعلومه وياريت لوتستخدم اي وسائل مساعده وسلمها لله وان شاء الله خير

فبراير 13, 2015